Attend Kayo ha!....

March 28, 2011

Mahal kong batchmate,

Isang Pagbati mula sa Batch ’82!

Kumusta na? Matagal na din tayong di nagkikita at maraming taon na ang lumipas
na halos di na natin alam kung anu-ano na nga ba ang mga nangyari at pangyayari
sa buhay ng bawat isa.

Bilang isang kaibigan, kaklase, ka-batchmate at kapwa alumni ng ating Alma Mater
MSC (former MSAT), tayo ay may tungkulin para sa bawat isa, ang iparamdam ang
ating pagmamahal at pagmamalasakit, pagtulong kung kinakailangan at alamin kung
ano na ba ang nangyari sa bawat isa. Kailangan din tayo ng ating Sintang
Paaralan. Alalahanin natin na ang tagumpay ng bawat isa ay tagumpay nating
lahat. Sabi nga “One for Batch ’82, All for One”.


Hahayaan ba natin na lumipas ang panahon na hindi natin nakikita ang ating mga
kaibigan, mga kaklase at mga gurong nagsumikap na mabigyan tayo ng tamang
edukasyon. Sila ang ilan sa mga naging instrumento upang marating natin ang
tagumpay at kung ano tayo ngayon. Mga taong naging kabahagi at nagsilbing
inspirasyon sa ating buhay. Kaya sa darating na Mayo 5, 2012, tayo ay muling
dadalaw sa ating Alma Mater. Sama-sama nating babalikan ang mga nakaraan at
saglit nating bibigyang daan ang mga lumipas. Ito ay para sa ating lahat.
Pasimula pa lamang ito ng muli nating pagsasama-sama.

Kailangan naming malaman ang sukat ng iyong t-shirt para sa maagang pagpapagawa
nito. Isa sa ka-batchmate natin ang boluntaryong magkakaloob ng ating isusuot
na t-shirt kaya makilahok at makisama sa “Batch ’82 Alumni Home Coming”

Kaibigan, dapat nandon ka sa darating na Mayo 5, 2012. Magkita kita tayong
muli. Mabuhay ang Batch ‘82

Maraming Salamat,


SUSAN MADLA-MURILLO
Batch ’82 Representative